今日放假。

尋日放假出左去食飯後。今日留左o係屋企嘆下世界。

有時都覺得自己都幾「宅」。

放假除左中意同朋友出去食下飯，睇下戲。

唔太中意唱K。之前讀書時出去玩得太多而家攪到少少驚。所以而家極少出去夜浦。

好多時都係中意留o係屋企睇下日劇。

有人笑我唔去D 唔去浦。我唔覺得去呢D 地方會好巴閉囉。

去BAR 飲野o固d 我係Ok o既。間唔中去下狂飲都OK 的。

我去o既時候唔駛周圍話俾人知。

我希望我o既男朋友唔會係咁出去浦囉。

成日都出去浦o既人會俾到安全感嗎??

頭先無聊下睇左一個男性朋友o既blog!

完來平時咁唔正經o既佢，都會有感情煩惱。直程係成個少男咁!!!! 哈哈哈哈

我好賤呀~~唔應該笑。我又何嘗唔係成個少女咁。

突然覺得。就算係平時一個勁唔正經O既人，都係咁需要愛。

突然間覺得大家都叫我唔好再堅持落去，而家好似有返少少繼續堅持o既動力。

長情係傻。但唔等於就手係o岩呢~

今日預祝claire 生日去左尖沙咀食德國野。

第一次食呢D 野。好似唔太o岩我食。

不過一齊出黎食下野已經好開心。

clarie!! 24歲生日快樂。身體健康。心想事成。

點解咁多年朋友都可以咁冷漠。

究竟係識左咁多年都係唔了解定係有d 咩事發生左?

唔預我咪唔預我囉。

 一場朋友真係冷漠到有d 得人驚。

今日又返730 啦~~~~

上一次返又係唔知睡要搭的士，今日又係咁~ 唉><

尋晚完全訓唔著。 真係好痛苦。

最近唔知點解好似樣樣野都冇咩心情做咁。

呢份工開始有壓力啦..........

期待4月!!

P.S 5月24日午收到!!!!

尋晚完全訓唔著。覺得自己差唔多可以訓得著o既時候鬧鐘就響啦.............

果然而家真係唔訓一晚半晚都會冇命。

攪到今日個腦完全呆下呆下諗唔到野。飯又食唔落...........

最大問題係.............

今日約左CHERYL o係旺角食飯!!! 我上左車等佢打黎我先記得.............

本來諗住o係城隨即刻落車。但都趕唔到啦。

CHERYL!!!! SORRY!!!

下次我一定要請你食飯補返數呀~~~

自從裝左NOW 後屋企電話用唔到、網又上唔到。

到左今日終於都可以上返網啦。

台北返黎後，完全冇動力返工呀~~~~

同中學班朋友終於可以一齊坐一次飛機去旅行。仲有第一次坐business。

o係台北4日3夜一直落雨落唔停，仲好凍tim。

不過好多好攪笑o既野。希望下一次可以更大班人一齊去反啦。

本來on返line 都好開心。

點知頭先有人問我:「你4月放大假咩?」我話「係!」

之後人地話「咁你咪同唔到我地去玩囉?」

我真係好嬲。呢班係之前做野o既同事。平時間中出黎食飯唱k 都ok o既! 佢地好中意攪好多活動去旅行。我最中意去玩架啦。叫到我我一定就。但係唔好成日都難為我囉。有一次，佢地去camp 。放工後打俾其中一個打算出旺角食餐飯啦。點知原來佢地去緊camp 。仲講話「你唔係唔黎呀?而家係顯示你誠意o既時候啦!」。邊個冇誠意呢唔知? 上次講話報個短線團。 拎左假後改左日子又唔出聲，要我打去問佢地先同我講。最後我就唔到，好彩都仲去到轉台灣。

唔係事事都可以唔計較。容忍都有一個限度。如果做朋友次次都係咁鬼假。我真係冇誠意再同大家一齊玩落去。

 最近又發覺原來塔羅牌講咩都係影響唔到我。 好開心。

暫時都係俾我自己傻下啦。

妖女唔好玩野呀!!!!!!!

一直以為....踏入左3月，其中一個期待左好多年o既野終於都要實現。

可能係可以連續見佢最多的一次。但到左而家呢一刻發覺自己意外地平靜。

可能係因為上次的塔羅牌事件，令到我心入面一直都唔舒服。

心入面o既唔舒服唔知其中一樣會唔會係----原來而家呢個新環境入面，除左一直以來o既佢之外，原來都仲有人會令我有心動o既感覺!!! 好似少女呀突然覺得自己!!! 哈!哈!哈

我知道妖女見到我打呢篇野o既時候應該會替我好開心。

幸せは手に入れるかな？我可以得到我的幸福嗎?

 呵~ 係唔係覺得我在showoff 我的日文??

係要懶叻下架啦-----> 因為我日文1級PASS 左囉!!!!!呵呵呵

今次去左東北6日5夜。

除左可以見到我想見o既咁男人外。

最開心係可以同到o係日本o係朋友見面。

原來之前一齊讀書的朋友仔。好多都就快要返自己國家啦><

感覺好似o係日本年幾o既生活好似發左一場夢咁。

尋日返返下工見到有個未接來電。

原來係日本人好友YUMI o係日本打來。

打返俾佢。佢話好掛住我。呵呵呵

仲學左少少廣東話。講俾我聽真係好SUPRISE。

好感動呀。

好開心我呢個咁o既人，可以俾我識到好多好朋友。

多謝妖女陪我去左廟街占左一次塔羅牌。

近水樓台?但我要放棄。

其實呢D說話唔駛俾百幾蚊出黎聽個神婆講出黎。其實呢D 野我一直都知道。

不過我真係有D 唔開心。 3-6個月後會唔會又一條好漢。

今年2月14日，我決定避走東北。

其實都幾好丫，今年可以同我第2最愛一齊過。

踏入牛年都只係10幾日! 唔通今年犯太歲所以咁唔好彩?

一件又一件唔好彩O既事發生o係我身上~唉

又話今年唔好去東北方位o既地方!

下個星期放大假我就要去日本~ 去東北o既仙台青森同秋田!!!!

睇黎我真係要買定旅遊保險!!!

頭先返左婆婆度食飯!!

發覺婆婆老左好多!!

之前都知道佢有少少老人痴呆~

最近佢真係好似好冇記性。有時1日問你好幾次同樣問題。好似明明同佢講左媽咪要4月先返黎。佢而家見我一次就問我一次佢幾時返。

最近睇珠光寶氣見到李斯琪唔記得哂D 屋企人。見到亞婆而家咁。真係有D 擔心。

真係希望佢老人家最緊要身體健康!!!!!

睇黎3月都係去唔成台灣啦。拎左大假都唔知有咩用。唉

有時D 野都係整定o既。同今次個trip冇緣啦。

話咁快孖DAY 又放完~

星期六去左打牌。打完牌去左睇-- 奇幻逆緣

都幾好睇。但長左少少。一睇完搭的士去到火車站要跑去追尾班火車~~~~命都冇呀!!!!

今日朝早有人黎裝左個野，而家屋企可以無線上網啦~我可以攬住部NOTE o係廳一路睇電視一路online ~呵呵呵

返多7日工就放大假!!!

3月頭唔知可唔可以去得成台灣呢? 期待